Հաղորդակցություն

Մոդուլի նկարագիր/նպատակ

Նպատակ՝ Տրամադրել հաղորդակցման մասին բազային գիտելիքներ և հմտություններ՝ բարձրացնելով հաղորդակցման վերաբերյալ ընդհանուր իրազեկումն ու դրա վերաբերյալ սեփական ինքնաճանաչումն ու գիտակցումը՝ տարբեր անձնական, սոցիալական և ակադեմիական/ուսումնական իրավիճակներում հստակ և արդյունավետ հաղորդակցում կառուցելու համար։

Հիմնական հմտություններ՝ խոսքային և ոչ խոսքային հաղորդակցման հմտություններ, հաղորդակցման գործընթացում ինքնաճանաչում, համագործակցություն, հետադարձ կապի ստացում և տրամադրում, միջանձնային հարաբերություններում արդյունավետ ոճի կիրառում և ինքնաներկայացման բազային հմտությունների ձևավորում։

Կրթական վերջնարդյունքներ

Վերջնարդյունք՝ ուսումնական ծրագրի ավարտին երիտասարդները կկարողանան՝ արժևորել հաղորդակցման կարևորությունն ու հասկանալ գործընթացն ու դրա բաղկացուցիչ մասերը` ճանաչելով ոչ խոսքային հաղրոդակցման տարրերը և դրանց ազդեցությունը հաղորդակցման ողջ գործընթացի վրա։ Կիրառել մարմնի լեզուն ելույթների, ինքնաներկայացման ընթացքում, կիրառել ակտիվ լսելու հմտությունը ճշգրտող և բաց հարցերի օգնությամբ, ճանաչել հաղորդակցման ոճերը, ճանաչել սեփական ոճը միջանձնային հաղորդակցումը արդյունավետ դարձնելու համար, կիրառել «ես-արտահայտությունները», հասկանալ, թե ինչ է հետադարձ կապը, տալ արդյունավետ հետադարձ կապ, ճանաչել գրավոր հաղորդակցման բազային կանոնները։

Դաս 1-ին